काठमाडौं। त्रिशूली नदीमा ट्रक खसेको छ।
सिमराबाट काठमाडौं जाँदै गरेको ट्रक आइतबार बिहान नारायणघाट-मुग्लिन सडकअन्तर्गत चितवनको भरतपुर महानगरपालिका-२९ को २५ किलोबाट त्रिशूली नदीमा खसेको हो।
जिल्ला प्रहरी कार्यालय चितवनका डिएसपी भेषराज रिजालले ना ६ ख ६२८३ नम्बरको ट्रक खसेको जानकारी प्राप्त भएको बताए।
दुर्घटनाबारे विस्तृत विवरण आउन बाँकी छ।
यसअघि, असार २८ गते सिमलताल क्षेत्रबाट दुईवटा बस त्रिशूली नदीमा खसेका थिए । बसका ६२ जना यात्रुहरुमध्ये २४ जनाको मात्र शव भेटिएको थियो ।
